وكالات//
ما زال النقاش كيغلي على مواقع التواصل فليبيا وبراها، بسبب واحد الفيديو اللي باين فيه مول مزرعة ليبي كيطلق أسد على عامل مصري باش يضحك ويتفلى عليه.
النائب العام الليبي خرج بقرار حبس مول الأسد اللي أطلق الحيوان المفترس على الراجل المصري باش يستهزأ بيه، وحمّلو بزاف ديال الناس المسؤولية وقالو باللي ما عندوش رحمة، بحيث هاد الواقعة دارت جدل كبير داخل ليبيا وخارجها.
فبيان رسمي من مكتب النائب العام، جا فيه أن: القرار جا بعدما تداولو مقاطع فيديو كيبانو فيها تصرفات مخالفة للشرع والقانون والإنسانية، حيث المتهم أطلق الحيوان على ضحاياه”.
#أسد يهاجم مصريًا في مزرعة ليبية.. وصاحبها يوثق المشهد ساخرًا#إرم_نيوز #ليبيا pic.twitter.com/4uGtQT80cl
— Erem News – إرم نيوز (@EremNews) August 18, 2025
وزاد البيان ووضح أن:” السلوك ديال المتهم سبّب الرعب فالقلوب ديال الضحايا والاستهزاء بيهم، بلا ما يهمّو شنو يقدر يوقع من أضرار نفسية واجتماعية”.
فالفيديو، العامل المصري بان مرعوب ومصدوم، كيحاول يبقى متماسك ويبان عليه الضحك، ولكن الخوف بان عليه، خصوصًا والأسد كان فاتح فمو وكيدير أنيابه فكتفو، بينما مول المزرعة كينادي على الأسد وهو كايضحك ويقول: بوسو!”
المشهد زاد الغضب أكثر منين العامل المصري حاول يطلب الرحمة وقال ليه: كفى”، ولكن مول المزرعة ما استجابش للتوسلات ديالو وخلا الأسد يكمّل فالتصرف ديالو.