لحظات ديال الرعب.. نمر خطير هجم على دري صغير فرحلة سياحية فالهند (فيديو)

وكالات//

تصاب درّي عندو 12 عام بجروح خطيرة ف يدو، من بعد ما هاجمو نمر ف جولة سفاري ف حديقة بانيرغاتا البيولوجية ف مدينة بنغالور ف الهند، نهار الجمعة 15 غشت.

ففيديو بان فالنمر كيتسدح حد سيارة السفاري، ومن بعد بدا كيجري و نط من الشرجمة، وهادا اللي خلا الدرّي يتجرح حيت كان حاط يدو حد الفتحة.

السلطات قالو باللي الدرّي، سميتو سوهاس، خدا الإسعافات اللّولة فبلاصة الحادث، ومن بعد دّوه للمستشفى، وخا خرج منو من بعد ما خدا العلاج.

Leopard attacks 13-year-old at Bannerghatta National Park in Bengaluru during a safari ride.

The incident happened this afternoon and the minor was immediately attended to by the park staff and was then taken to a hospital. He was discharged after treatment. pic.twitter.com/Oc7rEubsNH

— Vani Mehrotra (@vani_mehrotra) August 15, 2025

وحسب موقع “أسوشيتد برس”، المدير التنفيذي ديال الحديقة، سوريا سين، أكّد باللي الحادث وقع فواحد الحافلة اللي ما فيهاش المكيف، وباللي النمر قدر يجرح يد الدرّي حيث كانت قريبة ليه.

وزاد قال باللي السلطات حلّات تحقيق باش يشوفو شنو وقع و باش يراجعو إجراءات السلامة، باش ما يتعاودوش بحال هاد الحوادث.

وكانو تقارير العام اللي فات قالو باللي نمر آخر حاول يطلع فوق واحد الحافلة ديال السفاري ف نفس الحديقة، ولكن مشى بلا ما يضر حد.

ومن جهتو، وزير الغابات والبيئة الهندي، إيشوار ب. خاندري، شدّد على خاصية يركبو شباك واقية فشرجم ديال سيارات السفاري وحتى ففتحات الكاميرات فكل المتنزهات فالهند، وزاد قال خاص تكون تحذيرات واضحة ف تذاكر الدخول.

إقرأ الخبر من مصدره