گود سبور//
كشفت جريدة “ليكيب” الفرنسية، أن صفقة انتقال الدولي المغربي إلياس بنصغير لاعب موناكو الفرنسي إلى باير ليفركوزن الالماني غاديا فالطريقة الصحيح، وأن بروسيا دورتموند الالماني حتى هما حاضيين الامور فين غاتوصل.
ووضحت الجريدة الفرنسية، أن باير ليفركوزن وصلو إلى اتفاق مع إلياس بنصغير باش يلعب معهم خلال المرحلة المقبلة، ومازال دابا المفاوضات مع الفريق ديالو موناكو، مع العلم ان الفريق الالماني سبق له وقدم عرض القيمة ديالو بين 25 و 30 مليون أورو ولكن الفرنسيين رفضوه، واكد نفس المصدر أن بروسيا دورتموند كايراقبو الوضع حيث حتى هما باغيين المهاجم المغربي.
وباغيين باير ليفركوزن يسنيو مع إلياس بنصغير لتعويض رحيل المغربي الاخر أمين عدلي اللي مشى يلعب فالنگليز، وباغيينو ياخذ بلاصتو.