الزهر ديال بصح.. حشرة صغيرة عاونات لاعب غولف وربح بيها الزبابل ديال الفلوس (فيديو)

وكالات//

فبطولة BMW فـ نادي Caves Valley بولاية ماريلاند، وقعات واحد اللحظة الطريفة والغريبة، من بعدما ساعدات حشرة لاعب الغولف الإنجليزي تومي فليتوود باش يسجل ضربة “بيردي” فالحفرة الثانية من فئة بار 4 نهار الأحد.

الكرة كانت واقفة على حافة الحفرة من بعد ضربة قصيرة، ولكن الحشرة اللي كانت فوق الكرة دفعاتها بشوية ودخلات للحفرة، واللي خلا الضربة تبان بحال المعجزة قدّام الجماهير اللي فرحو وهتفو، بينما فليتوود، اللي عندو 34 عام، اكتفى بابتسامة ساخرة.

https://www.instagram.com/reel/DNio8vuzsMq/?utm_source=ig_embed&ig_rid=73317d3b-0b23-470c-aacb-a02a75a5d39f

الإعادة ديال اللقطة اللي تبعاتها المعلّقة لورا ديفيز على قناة Sky Sports بيّنات الدور الغريب ديال الحشرة فدخول الكرة، وخلاو الضربة تتصنف كأطرف “بيردي” فالجولة كاملة.

بهاد الضربة، فليتوود وصل لـ ثمان ضربات تحت المعدل فهاد الأسبوع، وبدا الجولة ديالو بثلاث ضربات “بيردي”، ولكن ضيّع وحدة فالحفرة الخامسة، وسال نهارو متعادل فالمركز الخامس، واحتل نفس المرتبة فـ كأس فيديكس قبل الجولة النهائية لنهاية الأسبوع الجاي.

إقرأ الخبر من مصدره