گود سبور//
غايرجع زهير المترجي يلعب مع الوداد الرياضي، ابتداء من الموسم الجاي.
وحسب مصادر مطلعة، توصل المكتب المديري للوداد الرياضي برئاسة هشام ايت منا وزهير المترجي لاتفاق باش يرجع اللاعب يلعب مع الفريق الأحمر لمدة 2 مواسم حتى لصيف 2027.
وكان زهير المترجي مشى من الوداد الرياضي فالميركاتو الشتوي لعام 2024، وكانت ديما العلاقة ديالو مع جمهور الفريق فيها تقلبات، مع العلم انه ربح عدد من الالقاب مع الحمرا، ومن بينهما لقب دوري أبطال إفريقيا عام 2022 واللي ساهم فالتتويج به.