على طريقة بوعبيد.. شاب طلع فوق شاطو دالما احتجاجًا على حرمان مو المريضة بالسرطان من العلاج

عثمان الشرقي- كود//

شهدات مدينة سوق السبت أولاد النمة، التابعة لإقليم الفقيه بن صالح، صباح اليوم الثلاثاء، حالة ديال استنفار أمني كبير، من بعد ما واحد الشاب معطل طلع فوق خزان ديال الما.

https://www.facebook.com/share/v/16qUz3HfsJ/?mibextid=wwXIfr

وحسب ما عاينتو “ݣود”، فالمعني بالأمر اختار هاد الطريقة باش يعبّر على الغضب ديالو بعدما تحرمات الأم ديالو اللي مريضة بالسرطان من العلاج، وهادشي خلا السلطات المحلية والأمنية والوقاية المدنية يتدخلو بشكل مستعجل.

الفرق اللي تدخلات حاصرات البلاصة، ومن بعد بدا فريق متخصص فالتفاوض مع الشاب، وقدرو فالأخير يقنعوه ينزل، وسط ارتياح كبير عند المواطنين اللي تفرجو فالحادث بقلق.

هاد الواقعة رجعات للأذهان حادثة بوعبيد أولاد يوسف، فين كان خاص السلطات المحلية والجماعية يديرو إجراءات احترازية باش يتفادو يتعاودو بحال هاد السلوكات الخطيرة.

إقرأ الخبر من مصدره