روينة كبيرة فتركيا بسبب طبيب مكلخ.. رفض يفحص مريضة بسبب اللباس ديالها (فيديو)

وكالات//

رفض طبيب تركي يفحص مريضة اللي جات لعيادتو فمستشفى حكومي، بسبب اللباس ديالها اللي وصفو بـ”الجريء”، وهاد الواقعة عملات ضجة كبيرة وخلاّت السلطات تفتح تحقيق رسمي.

المريضة صورت بموبايلها فيديو قصير كيبان فيه جزء من الحوار بينها وبين طبيب عيون فمستشفى حكومي فولاية قونية، واللي فيه الطبيب رفض يعاينها حيت شاف اللباس ديالها ماشي مناسب.

الفيديو تسالى بعدما الطبيب خرج من الغرفة، وقال ليها حتى هي تخرج، وهي بقات كاتبكي حيث وصف اللباس ديالها بـ”الفاضح”.

Görüntüler sosyal medyada gündem olmuştu!

Sağlık Bakanlığı, « Kıyafetini beğenmediği hastayı muayene etmedi » iddialarına ilişkin soruşturma başlatıldığını açıkladıhttps://t.co/4PuNku2Bl8 pic.twitter.com/neULn1XTTF

— milliyet.com.tr (@milliyet) August 26, 2025

وسائل الإعلام التركية قالت باللي الطبيب سميتو “حسن أويصال”، والمريضة اللي رفض يعالجها شابة صغيرة.

الفيديو لقا تفاعل كبير فمواقع التواصل الاجتماعي، والآراء تفرقات: كاين اللي كيطالب بمحاسبة الطبيب، وكاين اللي كيطالب بالتحقيق فالقضية باش يتعرف شنو وقع بالضبط.

وزارة الصحة التركية علنات على فتح تحقيق رسمي فالحادث، وقالت أنها غادي تتحرى فالموضوع بدقة. وحتى ولاية قونية، اللي كتمثل الحكومة المحلية، علنات بدورها على فتح تحقيق مع الطبيب بالتوازي مع تحقيق وزارة الصحة.

إقرأ الخبر من مصدره