كود الرباط //
مؤخرا لاح الرابور المغربي draganov اغنية جديدة بعنوان tach للي لقات نجاح كبير ملحوظ حيث انها طلعات لطوندونس فالعديد من البلدان بحال المغرب، الجزائر و تونس.
الاغنية متميزة و خارجة على الستيل اللي كيغني به Draga حيث انه نوع الموسيقى كيميل لRay كتر من الراب واخا المغني رابور. و المثير للانتباه كذلك هو الفيديو كليب اللي كان البطل ديالو فنان جزائري ” محمد خساني” و هو كيدير رقصة جزائرية معروفة.
المشكل انه من بعد ساعات قليلة من إصدار الاغنية، تخلقات واحد ال polémique بخلفية سياسية حيث ان بعض الجزائريين شافوها اهانة حيث ان الفنان المغربي فالكليب كان جالس و لاخر كيشطح، لكن سرعان ما خرج draganov و وضحليهم باللي داكشي اللي كيفكرو فيه ماكاينش، و ذكر باللي هو أصلا صغرو كامل و هو fan لبزاف دالفنان جزائريين بحال مامي،خالد و الشابة الزهرة و كذلك محمد خساني ممثل الكليب، و باللي كيشوف باللي ثقافته ما بعيداش على الثقافة الجزائرية بحكم انه وجدي، و انه كايشوف انه الثقافات بجوج ما كاينش فرق بيناتهم بحال التوأم فلا داعي تعطى الامور كثر من الحجم ديالها.
و لكن فالمجمل الاغنية لقات نجاح، واخا خرج المغني على الستيل ديالو الا انه كان موفق موسيقيا و فالفيديو كليب و كذلك الموضوع اللي كان تعبير على العيا و التعب من الحياة اللي كايحس به الشباب فهاد الوقت.