گود سبور//
يواصل الدولي المغربي وليد الكرتي، التألق مع بيراميدز المصري، وساهم فرباح مهم للفريق على الاهلي البارح السبت ضمن الجولة 5 من بطولة مصر.
وسالا الماتش بين بيراميدز والمضيف ديالو الاهلي بالعاصمة المصرية القاهرة بنتيجة 2 لزيرو لمصلحة بيراميدز، والهدفين بجوج ماركاهم الوداد “الكارتيست” كيفما كايلقبوه الوداديين وسجلهم فالدقيقة 5 والدقيقة 65، وخدا جائزة أحسن لاعب فالماتش.
ومتألق وليد الكارتي مع بيراميدز ملي مشى يلعب معهم، وبزاف من الجماهير المغربية اللي متبعاه كاتستغرب على الناخب الوطني وليد الركراكي ما يعيطش له ويعطيه الفرصة، خصوصا وسط هذا الجدل اللي كاين على استدعاء لاعبين لمواجهتي المنتخب المغربي ضد كل النيجر وزامبيا برسم اقصائيات مونديال 2025، ما عندهمش التنافسية وكاين فيهم اللي ما كايلعبش مع الفريق ديالو.