فالتصوّر ديال شي واحد ساكن فشي دوّار و لا شي درب مجّيح راه مرا و راجل فنفس الدّار مايمكن يكونو إلاّ عريانين كايمارسو الجنس، و لكن بالنسبة لمئات الآلاف ديال كازاوا و الرباطيين راه عادي جدا فاش كاتسالي شي سهرة على برّا و يسدو البيران أنك تعرض على صحابك ديرو الآفتر فالدّار، واش هذا مبرر باش تشدهم بتهمة الفساد و لا الخيانة الزوجية ؟ وا طلقو البنت !

سهام البارودي – كود////

حشومة ف2025 الدولة تكون مازالة كادخل على راجل و مرا للدّار و تخرجهم بتهمة الفساد و لا الخيانة الزوجية، راه فحال هاد القوانين كايشوّهو صورة المغرب كدولة باغا تبان للعالم أنها دولة متحضّرة و عندها مقومّات التقدّم و رابع كاس العالم و غاتستقبل كاس العالم الجاي و بونو مول الضحكة و
La nationalité marocaine s’acquiert en naissant et ne peut jamais se perdre مك يا مك ضرب الشيشة و صبح مّنك!

هاد الشعارات كاملين كاتبخّر فاش كاتشوف البوليس مخرجّين جوج ديال الاشخاص بالغين و اختارو بكامل قواهم العقلية أنهم يتجمعو فنفس البلاصة، سواءا عندهم علاقة او ماعندهمش علاقة، الحياة الخاصة للأفراد ماشي مسؤولية الدولة و ماخاصهاش تتدخل فيها.

بلا مانهضرو على الشّوهة لي كاتتعرض ليها غيثة عصفور، و الاتهامات لي كاتوجه ليها قبل مايحكم عليها القاضي، هاد l’acharnement لّي مديور على هاد البنت راه تقدر دفع بيه ضوسي ديال اللجوء صحيح و تمشي لشي بلاد و تزيد بلادنا تتشوه فهاد الظرفية الحساسة لي صورة المغرب فيها محتاجة انها تتراعى ماشي نمرمدوها فالغيس.

انا عارفة بلَي فالتصور ديال بزّاف ديال الناس فالمغرب خصوصا شي واحد ساكن فشي دوّار و لا شي درب مجيّح راه راجل و مرا فنفس الدار مورا الطناش د الليل إلاّ وا راه خاربينها تكربيل، و لكن فالعقلية ديال الآلاف ديال الكازاويين و الرباطيين راه عادي جدا انه من مورا شي سهرة و لا شي عشا انك تعرض على صحابك للدار باش ديرو الآفتر، لي كايشرب غايكمل شرابو و لي كايهضر غايكمل هضرتو و ماشي بالضرورة جوج بنات مع راجل فالدار راه زاهية ثريسوم (واخا حتى الثريسوم راه مسألة شخصية ماعند الدولة لاش دخّل فيها)

طلقو البنت، طلقو البنت و باراكا من الشّوهة، راه حشومة هاد القانون يكون فمغرب 2025 و حشومة هاد النباح لي كاتعرّض ليه غيثة عصفور.

إقرأ الخبر من مصدره