گود سبور//
مشى الودادي السابق عبد الله حيمود يلعب فليبيا، بعدما تراجع المغرب الفاسي على التعاقد معه بضغط من الجمهور.
وسنا عبد الله حيمود مع فريق التعاون الليبي، البارح السبت عقد لمدة 2 مواسم، غايلعب معهم بالموجب ديالو حتى لصيف 2027.
واضطر عبد الله حيمود وسط الموسم الماضي يمشي يلعب مع فريق Fc Rouen الممارس بقسم الهواة بفرنسا، وما قدرش يتأقلم معهم وتفارقو معه بعد اشهر قليلة، وهذا الشي كايطرح علامات استفهام على شنو خلى مستوى اللاعب يتراجع، واش المشكل فيه هو ولا فالمحيط ديالو.
وكان عبد الله حيمود اتفق المغرب الفاسي خلال هذا الميركاتو الصيفي، ولكن ضغط جمهور الماص على إدارتهم لعدم اقتناعهم به خلى ادارة النادي تتراجع على التعاقد معه.