كود طنجة//
ملعب طنجة الكبير كيبان بحلة جديدة، والأشغال وصلات للمرحلة النهائية. الصور اللي التقطتها “كود” من قلب المشروع كتعكس حجم التحول اللي كيعيشو هاد الفضاء الرياضي.
https://www.facebook.com/share/v/1BJsH5Hgaw/?mibextid=wwXIfr
المدرجات تصبغات بألوان زرق وبيضاء، الوان كتعكس جمالية المدينة المطل على البحر الابيض المتوسط، والعشب الطبيعي غطا الأرضية ديال الملعب بقا غير يتلعب فيه ماتش. أما السقف غايكون مغطاة جزئيا، فباقي كيتركب وكيعطي منظر معماري عالمي، بحال أكبر الملاعب الأوروبية.
https://www.facebook.com/share/v/1AxyNhZbU3/?mibextid=wwXIfr
حسب المسؤولين، الكلفة ديال هاد التجديد وصلات لـ 360 مليار سنتيم (حوالي 340 مليون يورو). رقم كبير، ولكن كيبقى أقل بزاف من الملاعب اللي كتتبنى بهاد الجودة فالعالم. وهادشي كامل جا فإطار الاستعدادات ديال المغرب باش يستقبل كأس أمم إفريقيا 2025 وأيضاً كأس العالم 2030.
https://www.facebook.com/share/v/1Cf4VCq6hG/?mibextid=wwXIfr
هاد المعلمة ماشي غير تيران، بل تأكيد على قوة اليد المغربية ف الانجاز وقدرة الشركات الوطنية ف الإلتزام بالموعد ودفتر تحملات الجامعة وشروط الفيفا.
“كود” كانت ف التيران، وجابت ليكم صور حصرية من داخل الملعب.. عروس الشمال طنجة كتوجّد راسها، باش تعطي جمالية للانتصارات المتتالية للكرة المغربية.
