گود سبور//
يواصل الدولي المغربي يوسف النصيري التألق مع فنربخشة التركي، وقاد الفريق إلى تحقيق رباح جديد، فالماتش اللي لعبوه اليوم الاحد ضد فريق جينتشليربيرليجي فبطولة تركيا.
وسالا الماتش بين فنربخشة وفريق جينتشليربيرليجي بنتيجة 3 لزيرو لمصلحة فنربخشة، وقدر يوسف النصيري يماركي الهدفين الثاني والثالث في الدقيقتين 41 و 35، وبقاو محافظين على تقدمهم حتى سالا الماتش وخداو 3 نقاط مهمة.
للإشارة فيوسف النصيري شارك فهاد الماتش رسمي أما المغربي الاخر سفيان أمرابط كاين فالاحتياط ديال فنربخشة، وهذا اول ماتش للفريق بلا المدرب البرتغالي جوزي مورينيو اللي تفارقو معه فنربخشة يوم الجمعة الماضي.
ومن جهة اخرى فكل من يوسف النصيري وسفيان أمرابط غايجيو الاسبوع الجاي للمغرب باش يشاركو مع المنتخب المغربي ضد كل من النيجر وزامبيا يومي 5 و 8 شتنبر المقبل برسم اقصائيات كاس العالم 2026.