گود سبور//
خسرو الوداد الرياضي مع شباب السوالم اللي طاحو للدوزيام سيري، فالماتش اللي لعبوه اليوم الاحد فالفينال ديال كاس حميد الهزاز الودي.
وسالا الماتش بين الوداد الرياضي وشباب السوالم اللي تلعب مساء الاحد فالتيران الكبير لمدينة فاس، بنتيجة واحد لزيرو لمصلحة السوالم، وماركا لهم هدف الرباح كريم لكروش فالدقيقة 88 من عمر المباراة.
وبهذه النتيجة توج فريق شباب السوالم بالنسخة الثانية من كاس حميد الهزاز الودية، والفريق راه كايوجد باش ينافس على الصعود الموسم الجاي، وبالمقابل فالوداد الرياضي كايوجد للبطولة وكأس الكونفدرالية وكاس العرش، وسط مخاوف من الجماهير الودادية من تكرار سيناريو الموسم الماضي ملي خرج الفريق بزيرو لقب.