كود سبور////
بدا المنتخب الوطني المغربي كايوجد لمواجهة كل منتخبي النيجر وزامبيا، ضمن إقصائيات كاس العالم 2026.
وبعدما وصلو أغلب اللاعبين اللي عيط لهم الناخب الوطني وليد الركراكي للمعسكر الإعدادي بمركز محمد السادس لكرة القدم بالمعمورة، دارو اللاعبين الحاضرين أول حصة تدريبية بحضور الرگراگي نيت، واللي خدم معهم فيها على الجانب البدني باش يرجعو اللياقة البدنية، بعدما لعبو مع أنديتهم السيمانا الويكاند اللي فات ويحيدو حتى لعيا ديال السفر، وكانت الاجواء زوينة وفيها الضحك والنشاط.
ومن المنتظر يرفع الناخب الوطني وليد الركراكي ابتداء من غدا الثلاثاء من وثيرة الاستعداد ديال المنتخب الوطني المغربي بدنيا وتقنيا وتكتيكيا، استعدادا لمواجهة النيجر الجمعة 5 شتنبر 2025 بملعب المجمع الرياضي الأمير مولاي عبد الله بالرباط، وبعدما السفر إلى زامبيا لمواجهة المنتخب الزامبي يوم 8 نفس الشهر بزامبيا.
