كارثة جوية جديدة.. جوج طيارات تساطحو ف السما وها شنو وقع (فيديو)

وكالات//

توفى شخص واحد وتصابو 3 خرين بعدما تصدمات جوج طيارات صغار فالهوا، وكانو بجوج كيحاولو يهبطو فمطار فشمال شرق ولاية كولورادو فأمريكا، حسب ما قالت السلطات.

الإدارة الفيدرالية ديال الطيران قالت إن الطيارات بجوج لتساطحو هوما من نوع سيسنا 172 وإكستراEA-300، وهادشي وقع نهار الأحد، ملي كانو بجوج غاديين يهبطو فمطار بلدية فورت مورغان.

مكتب شريف (مأمور) مقاطعة مورغان قال بللي كل طيارة كانو فيها جوج ديال الناس، وتحطمو بجوج وشعلات فيهم العافية.

One person has been killed & three others have been injured after two small planes collided in mid-air near an airport in #Colorado. #planecrash

The crash occurred around 10:40 a.m. on Sunday near #FortMorgan Municipal Airport. A #cessna 172 on its final approach was struck… pic.twitter.com/8hD8Mn3nGE

— News.Az (@news_az) September 1, 2025

وزاد المكتب وقال إن الشخصين اللي كانو فطيارة السيسنا تعرضو لجروح خفيفة، والناس اللي كانو فالطيارة الثانية، واحد تنقل للمستشفى، وواحد مات فالبلاصة.

التحقيق فالحادث مازال جاري، وكيشارك فيه المجلس الوطني لسلامة النقل والإدارة الفيدرالية ديال الطيران.

مدينة فورت مورغان اللي وقع فيها الحادث فيها تقريبا 12 ألف نسمة، وكتبعد بحوالي 130 كيلومتر على دنفر.

إقرأ الخبر من مصدره