كود سبور///
قرر المكتب الوطني للسكك الحديدية، توفير قطارات استثنائية يوم الجمعة المقبل 5 شتنبر 2025، للجمهور اللي غايجي من خارج مدينة الرباط با يحضر ماتش المنتخب الوطني المغربي ضد منتخب النيجر.
وباش الجمهور اللي من خارج الرباط وجاي يتفرج فتيران مولاي عبد الله بالعاصمة الرباط، يلقى فاش يرجع بحالو ملي يسالي الماتش مع 10 الليل من مساء يوم الجمعة 5 شتنبر، قرر المكتب الوطني للسكك الحديدية توفير واستثنائيا، قطارات من محطة الرباط أگدال إلى محطة القنيطرة ومحطة الدار البيضاء الميناء ومحطة طنجة.
وتم توفير 2 ترانات للقنيطرة غايديرو الديبار من الرباط أكدال يوم السبت مع 23:30 و 23:36، و 2 تارانات للدار البيضاء الميناء، غايديرو الديبار من محطة الرباط أگدال مع 23:08 و 23:30.
كذلك خصص المكتب الوطني للسكك الحديدية، 2 ترانات ديال البراق من محطة الرباط أگدال نحو محطة طنجة، الاول غايدير الديبار مع 23:25 والثاني غايدير الديبار مع 23:55.