محمد سقراط-كود///
كتلقى واحد جاي من سلالة ديال زواج الأقارب كلو أمراض وفورمتو مدربلة وقريب للإنقراض بحال أسرة الهابسبورغ الإسبانية وحتى هو كيقول بكل وقاحة جينية لا لإختلاط الأعراق، وهو كيشوف وكيعيش كيفاش نقاء الأنساب خلاه عايش بمعدل ذكاء قريب للشامبانزي وفورمة ديال كلب البحر، ونظام غذائي ديال الخبز ومشتقاته وشنتيفة ديال اللحم وشوية ديال الخضرة طايبة مهرية مابقات فيها حتى إفادة، وللأسف بزاف ديال المغاربة هوما نتيجة سنين ديال زواج الأقارب، والنتيجة جينات خارية عليها مكيصلاح معاها حتى شي برنامج تنمية او مخطط خماسي مكياخدش بالاعتبار تدني متوسط الذكاء، بالاظافة الى المواصفات الجسدية ونظام التغذية المعيق للإنتاج والمنافسة في سوق حرة.
كوريا حاليا أكثر شعب في العالم يزداد جمالا وطولا وصحة وذكاء كل سنة، علما انهم غير في الخمسينات والستينات كانوا من افقر الشعوب وأكثرها جوعا، طبعا هاد الشكل لي هوما بيه دابا ماجاش غير بوحدو بالخبز واتاي، بل بمعجزة اقتصادية وبقرارات صارمة ديال الدولة ومنها منع زواج الأقارب حتى للدرجة التامنة، يعني ولاد القبيلة وممنوع يتزوجو من بعضياتهم، وهادشي لي خلى الناس تبعد في اختيار الازواج وجيناتهم تتحسن وينقصوا عندهم الامراض، ويبانوا عندهم الابطال الرياضيين ويتحولوا من شعب قصير وجيعان ومدبوغ بالشمس وقليل الترابي، لأجمل شعب في العالم حاليا ولأكثر الشعوب وسامة وصحة.
خاص الدولة المغربية تتدخل لإنقاذ الشعب المغربي من زواج الأقارب لي مخلي الجينات المغربية غادا في انحدار كبير، وخاص الدولة تشجع على اختلاط الأعراق، وتدير خويا منير الاب ديال لامين يمال كرمز وقدوة، كيفاش بزواجه من مواطنة افريقية من غانا قدر يرتقي بجينات الريصانة، باش ينتجوا واحد من اهم المواهب الكروية في التاريخ، راه أي برنامج تنموي غادي تديرو مستقبلا خاص ياخد بعين الاعتبار ان العديد من المغاربة هم نتاج زواج الأقارب ، يعني ذكاء وبنية جسدية على قد الحال، والعديد من الامراض الوراثية لي غادا تظهر في المستقبل، للأسف الدولة المغربية بالنسبة ليها الاستثمار هو الطرقان والمشاريع الكبرى في المغرب النافع، وكتنسى ان اهم استثمار هو الشعب.