مشى سيدو العلمي خلاه تالف.. الوزير مزور عدو الصحافة والبرلمانيين دار شوهة فوزارة الصناعة: خلا الكفاءات وجاب مؤثرين للي ماكيساهمو حتى فالضرائب – فيديو

كود الرباط//

رياض مزور، وزير الصناعة والتجارة، قاليكم ” يستمع للشباب ويجيب على أسئلتهم المتعلقة بالصناعة في لقاء يبث اليوم على الساعة التاسعة مساءً”.

اييه الشباب عندو هوما دوك الرباعة لي كيسميو راسم المؤثرين لي مكيخلصوش الضريبة لي مكيساهموش ولو بقليل لهاد الدولة لي موفرة ليهم كولشي.

طبعا نهار بدات الدولة كتهضر على أنها غاتوجد قانون ينظم هاد المؤثرين ف السوشل ميديا باش يخلصو الضريبة بحالهم بحال باقي المغاربة، ناضو دارو حملة سميتها لا غلاء الأسعار. اخير همهم هو الأسعار حيث ديما مبرعين ف الفنادق واكلين مسافرين ناشطين على حساب المؤسسات العمومية (بحال فضيحة ميدي 1 لي داتهم لقطر) والقطاعات الوزارية وو.

#الصناعة_فرصة_للشباب
????️ السيد رياض مزّور @MezzourR وزير الصناعة والتجارة، يستمع للشباب ويجيب على أسئلتهم المتعلقة بالصناعة في لقاء يبث غداً على الساعة التاسعة مساءً.
كونوا في الموعد! pic.twitter.com/RvCuQ2TgTt

— Ministère de l’Industrie et du Commerce (@mcinetgov_ma) November 17, 2022

هادي ماشي فلطة ديالهم، هادي فضيحة وزير فاشل فكولشي، من نهار جا لهاد الوزارة لور، ومشات الهيبة ومشات الحيوية والقوة لي كانت عندها ايامات سيدو مولاي حفيظ العلمي.

وزير محاملش الصحافة، محاملش البرلمانيين، وزير داير راسو واعر بزاف، لدرجة غير شي برلماني انتقدو وقاليه “نتا كتجي الأقاليم ديالنا كاع مكتسلمش علينا وكتجاهلنا وتمشي غير مع الوالي والعامل” ، عرفتو رد ديال الوزير شناهو قاليهم هادشي كذوب وخرج من اللقاء كاعي ومشا تكيف برا قاعة الاجتماع لي كان غير هادي أسابيع.

وزير عندو مع لغة الخشب بزاف، دار لقاءات مع شي صحافة أجنبية غير معروفة، ماعندها تأثير، باش يقولهم ها فين وصل المغرب، طبعا كيفتخر بإنجازات لي دارها حفيظ العلمي، اما هو مزال تالف ومعارفش حتا يتعامل مع البرلمان وكولشي كيتشكا منو.

الشركات لي استثمرت في عهد العلمي كاتسد لوزينات وهو جايب لينا المؤثرين! واش بغيتو تهضرو مع المستثمرين العالميين في الصناعة باستعمال المؤثرين؟.
اين موقع الوزارة من التحول التكنولوجي بغينا صناعة برأس مال مغربي ماشي الكابلاج.

إقرأ الخبر من مصدره