وكالات//
كيواجه الممثل الشهير جيرار دوبارديو، اللي معروف بزاف ففرنسا، محاكمة جديدة بتهمة الاغتصاب، بعدما اتهماتو الممثلة شارلوت أرنولد بأنه اغتصبها فـ2018. هاد القضية جات من بعد ما سبق وتدان هاد العام فواحد القضية ديال اعتداء جنسي، الشي اللي زاد شوّه السمعة ديالو.
كانو عيطو لدوبارديو قبل باش يحققو معاه فواحد القضية خرا، اللي كان متهم فيها بالاعتداء على واحد المصور معروف بلقب “ملك المصورين”.
شارلوت أرنولد قالت باللي دوبارديو اعتدى عليها فـ2018 فـدارو اللي كاينة فباريس، وكانو جوج المرات، وهي كانت باقى صغيرة، فبداية العشرينات من عمرها.
ولكن دوبارديو اللي عندو دابا 76 عام، كيقول باللي ما دار حتى شي حاجة وناكر التهم.
النيابة العامة فباريس أكدت نهار الثلاثاء أن القاضي قرر يحول القضية للمحكمة، من بعد ما أرنولد خرجات الخبر فحسابها على إنستغرام. لكن مازال ما تحددش تاريخ الجلسة.