وكالات//
شدات كاميرات المراقبة فمدينة غلاسكو فاسكتلندا، اللحظة اللي جا فيها واحد الراجل مقنّع وكبّ ليسانس وشعل العافية فواحد الطوموبيل بورش كانت واقفة قدّام واحد المحل.
وعلى حساب مقالت تقارير صحفية محلية فهاد الحادث كيقولو أنه عندو علاقة بشجار دايم على بلايص الطوموبيلات بين السكان وكليان ديال المحل.
مول المحل ما خافش على راسو، وجرا باش يجرّ القارورة اللي شاعلة بعيد على الطوموبيل، حيث كان خايف تنفجر وتضرّ الحوانت والديور اللي حداه.
البوليس بداو التحقيق باش يشدّو المشتبه فيه اللي باين فالفيديو وهو كيهرب من البلاصة.”