گود سبور//
رجع تاني مركب محمد الخامس للواجهة، ومرة اخرى بشي حاجة ماشي زوينة وعندها علاقة بقلة النظافة.
البارح الاثنين وخلال الماتش اللي جمع بين منتخب غينيا والجزائر، دخل الجمهور البيضاوي كايتفرج فالماتش، حتى لقى الكراسى مسخين وفيهم لبزق ديال الحمام، وداكشي باين مدة وهو لاصق يعني الحمام واخد راحتو في سقف التيران ولا كايهبط يبزق على الكراسا ويطلع.
هذا الشي راه مصيبة، حيث كيفاش تيران كل مرة كايتسد وكاتخسر عليه الملايين فكل إغلاق للإصلاح، ما قادرينش المسؤولين على التدبير ديالو ينظفوه وينقويه ويلقاو حل لهاد الحمام اللي كايوسخ الكراسا والدنيا فالتيران وهذا الشي يقدر يمس الصحة ديال المواطنين وراه كاين فالجمهور اللي عندو حساسية، مع العلم أن شركة سونارجيس هي المسؤولة دابا على التيران.