وكالات//
تحوّل حلم العمر ديال عروسة ميريكانية لكابوس فليلة عرسها، منين جا شي شفار مجهول وسرق صندوق الهدايا اللي كان مخصص ليها ولراجلها، وكانت قيمتو تقريبًا 100 ألف دولار (100 مليون مغربية)، الشي اللي خلاها تنهار وسط القاعة وتوقف الحفل بشكل مفاجئ.
الواقعة كانت فقاعة “رينيسانس بانكويت” فمدينة غلينديل، فولاية كاليفورنيا، فواحد العرس فاخر حضرو فيه قرابة 300 شخص، كيحتافلو بزواج نادين وفرحات جورج، كيف ما ذكرت جريدة “ديلي ميل” البريطانية.
الكاميرات سجلات واحد الشخص ما معروفش، لابس كحل، كان كيدور فالقاعة لمدة ساعة ونص تقريبًا قبل ما ينفذ السرقة. باين فالفيديو كيتنقل بين الناس، دخل الطواليط، طلب مشروب من البار، وحتى عطى تيب للعامل، باش ميبانش عليه شي حاجة.
HEARTBREAKING: Security cameras captured a heartless wedding crasher stealing tens of thousands of dollars meant to help the new couple start their life together.
Glendale police are now investigating, and the couple is offering a $5,000 reward for tips that lead to an arrest.… pic.twitter.com/ACfiazl1SU
— ABC7 Eyewitness News (@ABC7) September 2, 2025
من بعد، قدر يشد صندوق الهدايا، اللي فيه الفلوس الكاش والشيكات وكارطات الإهداء اللي جابوهم الضياف، وهرب بيه بلا ما يشوفو حد.
السرقة وقعات مع 12 ونص ديال الليل، يعني ساعات قليلة من بعد ما سالات مراسيم العرس اللي كانت فكنيسة فوسط لوس أنجلوس.