وكالات//
الرئيس الميريكاني السابق باراك أوباما ربح جائزة “أفضل راوٍ” فحفل جوائز الإيمي للفنون الإبداعية ديال 2025، اللي داروه فـ7 شتنبر، وداها على الأداء الصوتي ديالو فالمسلسل الوثائقي ديال الطبيعة “محيطاتنا” اللي كيتعرض على نتفليكس.
أوباما تفوّق فهاد الفئة على أسماء كبار فمجال الوثائقيات والسرد، بحال: توم هانكس على مسلسل “الأمريكتان”، السير ديفيد أتينبورو على “كوكب الأرض: آسيا”، إدريس إلبا على “محو: أبطال الحرب العالمية الثانية الملوّنين”، وفيبي والر-بريدج على “الأخطبوط!”
Barack Obama winning his third Emmy Award today for ‘Outstanding Narrator’ on Netflix’s Our Oceans.
A remarkable milestone, three Emmys all earned through his voice. Truly inspiring! pic.twitter.com/TrMfV7u7Ln
— Reels (@benditochicas) September 8, 2025
هاد الجائزة هي الثالثة اللي كيحصل عليها أوباما فجوائز الإيمي، من بعد ما ربح جوج جوائز قبل: وحدة فـ2022 على “حدائقنا الوطنية العظيمة”، وواحدة فـ2023 على “العمل: ما نفعله طوال اليوم”
ورغم أنه ما حضرش الحفل، أوباما دخل التاريخ حيت ولى واحد من جوج روساء أمريكيين فقط اللي ربحو الإيمي، مع الرئيس دوايت أيزنهاور اللي خدا جائزة الشرف فـ1956.
ولكن أوباما هو الوحيد اللي ربح فئة تلفزيونية محددة وتنافس فيها مع فنانين محترفين.
المسلسل ديال “محيطاتنا”، اللي تعرض أول مرة فـنونبر اللي فات، كيهضر على العلاقة بين محيطات العالم والتنوع البيئي ديالها، وكينبّه للمخاطر اللي كتجي من الأنشطة ديال البشر.