جاه عرض من تركيا ورفضو.. أمين حارث خالق أزمة لأولمبيك مارسليا اللي كاعيين عليه وباغيين يصيفطوه بحالو

گود سبور//

باغيين أولمبيك مارسيليا الفرنسي يبيعو عقد الدولي المغربي أمين حارث قبل ما يسد الميركاتو فگاع أنحاء العالم، ولكن اللاعب ما ناويش يمشي بحالو وهاذ الشي مبرزط المدرب ديالهم روبرتو دي زيربي.

وكشف موقع “Foot01” الفرنسي، أن أولمبيك مارسليا بغاو استغلال الميركاتو الصيفي اللي مازال حال فشي بلدان اخرى خارج أوروبا بعدما تسد في دول أخرى، باش يصيفطو مجموعة من اللاعبين اللي ما بقاوش باغيينهم، ومن بينهم أمين حارث اللي عندو عقد مع النادي حتى 2027، وبالفعل جا عرض لأمين حارث منّ بشيكتاش التركي.

وحسب نفس المصدر، فالمدرب دي زيربي ما بقاش باغي أمين حارث فأولمبيك مارسيليا، وبشيكتاش تقدمو بعرض باش يسنيو مع حارث ولكن اللاعب رفض هذا العرض، وهذا الشي خلى المدرب الطالياني المذكور وأولمبيك مارسيليا يطلع لهم الدم، حيث اللاعب خارج المفكرة ديالهم، وكايشد صافير شهري كثر من 250 ألف أورو، وهو صالير كبير بالنسبة للفريق خصوصا وأن حارث ما كايلعبش.

إقرأ الخبر من مصدره