وكالات//
مات واحد الدري صغير بعدما دخلات طموبيل من نوع SUV فـ واجهة ديال حضانة شمال تورونتو، نهار الأربعاء، قبل ما يجي الوقت اللي كياخدو فيه الوالدين ولادهم.
شرطة منطقة يورك قالت بللي الضحية كان عندو عام ونص فقط. وتصابو حتى ستة ديال الدراري آخرين اللي أعمارهم بين 18 شهر و3 سنين، وواحد منهم باقِي فـحالة خطيرة بعد ساعات من الحادث.
وقالت الشرطة فـ ندوة صحفية بللي حتى ثلاثة من الموظفين ديال الحضانة تصابو، وهاد الشي وقع فـ مدينة ريتشموند هيل، قريب من شارعي “يونج” و”نوتنغهام”.
firefighters are pulling the SUV out of a #daycare building in Richmond Hill, north of Toronto. One child was killed and several others were injured after it crashed into the building earlier today. police say the act wasn’t deliberate. pic.twitter.com/glrlUMhqyg
— Sharif Hassan (@MSharif1990) September 11, 2025
الضابط كيفن نيبريجا قال بللي السائق، راجل فعمر السبعينات، تشد فـ بلاصة الحادث، ووضح بللي التحقيقات الأولية ما كاتبينش أن الحادث كان مقصود.
وزاد قال: “كما يمكن ليكم تتخيلو، المنظر لي كان فوضى كبيرة. المعلومات الأولية كاتقول أن الطوموبيل كانت فـ الباركينغ، ولسبب غير معروف، دخلات فـ الواجهة الأمامية”
وأكد أنه تم التأكد من سلامة باقي الأطفال وتم إخبار عائلاتهم باللي وقع.