هندي دار البوز فالعالم كامل.. نعس فوق السكة ديال التران (فيديو)

وكالات//

واحد الفيديو دار البوز فـ مواقع التواصل فـ الهند وخلّى الناس مصدومين، بعدما بان فيه شاب كيتسدّح فوق السكة ديال القطار وخلا القطار السريع يدوز من فوقو فواحد المغامرة خطيرة اللي كانت غادي تديه فخطرو.

الفيديو بدا بالشاب كيبان كيتبسّم قدام الكاميرا، ومن بعد ركع وتسدّح كلو فوق السكة، حتى داز القطار عليه، ووقف فرحان كيهلل، وبدى كيسالي مع صاحبو اللي كان كيصوّر. الفيديو تشاف بالملايين فمدة قصيرة، ولكن تصاحب مع موجة ديال الانتقادات الكبيرة.

Such reel creators must be jailed.

These jokers are risking their lives and influencing others to do the same.

Stupidity pro Max !! pic.twitter.com/Z9hAP41jc1

— Sunanda Roy (@SaffronSunanda) September 8, 2025

الناس هاجمو هاد التصرف وسمّيوه “غير مسؤول”، وحذرو من التأثير الخايب ديال بحال هاد الفيديوهات على الشباب اللي ممكن يحاولو يديرو بحالو باش يشهرو راسهم. بزاف ديال النشطاء طالبو السلطات الهندية باش يتدخلو ويعتاقلو الشاب، حيث قالو باللي الحياة ديال الناس ماشي لعبة ولا وسيلة باش يجيب المشاهدات.

هاد القضية فكرات الناس فواحد الواقعة مشابهة طراّت قبل 3 شهور فواحد القرية فالهند، ملي شاب سميتو “كامليش” دار نفس الشي، تصوّر وهو كيتسدّح على السكة وداز عليه القطار، ومن بعد شدّاتو البوليس بعدما الفيديو تشهر بزاف.

إقرأ الخبر من مصدره