جواد الخودي وصحابو فمغامرة عامرة ضحك ودراما ففيلمو الجديد “نوض أو نوض”

عثمان الشرقي – كود//

مزالا JK Cinéma خدامة فتصوير أعمالها السينمائية، والجديد هو فيلم مغربي بعنوان “نوض أو نوض” من توقيع المخرج جواد الخودي. الفيلم كيشارك فيه نجوم كبار فالسينما والكوميديا بحال رفيق بوبكر، سكينة درابيل، سحر الصديقي، وجواد الخودي نفسه.

القصة:
كتدور على شاب كيواجه أزمة كبيرة بعدما تخطفو والده، ومن بعدها كيطالبو الخاطفين بفدية كبيرة قدرها 50 مليار سنتيم. جواد وأصدقاؤه كيخوضو مغامرة جريئة باش ينقدو الأب، فيها مواقف كوميدية ودرامية، وكيخططو حتى لسرقة صندوق عامر بالملاير.

الفيلم كيخلط السيسبانس، الإثارة والموضحيكة الساخرة، وكيقدم للجمهور الضحك والمتعة البصرية مع قصة غير تقليدية وفيها رسائل إنسانية واجتماعية.

ما كيعتمدش الفيلم غير على المغامرة، ولكن كيعطي مساحة للتفكير فالروابط العائلية والصداقة. جواد وأصحابو كيواجهو تحديات وصعوبات كتخلي الجمهور يعيش معاهم ستريس وفرحة، خوف وربح. السيناريو مقاد باش يجمع بين المشاهد الكوميدية المشوقة والرسائل الإنسانية الخفيفة اللي كتخلي الفيلم قريب من القلب.

المخرج جواد الخودي قال على المشروع: هاد الفيلم كيشكل ليا تحدي فني وفرصة نقدم كوميديا مختلفة، حيث الضحك كيتخلط مع مواقف مشوقة بطريقة مبتكرة وقريبة من الجمهور المغربي.

إقرأ الخبر من مصدره