هناء ابو علي كود كازا ////
البارح ف”كود” هدرنا على سيدة نورمالمون مستثمرة فالمطاعم فكازا اسمها اسماء الجهيري. هادي عندها جوج مطاعم فبلاصة “لاريزيرف” التاريخية فعين الدياب فكازا. عندها “تشيلو” و”ڤيراندا”. غير المشكلة هو ان السلطات وفتقارير رسمية وقفات على عدد من الخروقات.
حسب وثائق رسمية عند “كود” كاينة الروينة. فتقرير دارو مصلحة المراقبة التابع لقسم التعمير ديال عمالة مقاطعة الدار البيضاء انفا فضح هاد الشي. التقرير دارتو لجنة مختلطة فيها 9 مؤسسات زار اشغال “المركب الساحلي “لاريزيرڤ” باش انطلقات وها اش سجل. اولا هاد الاشغال ما معلقاش الرخصة. ثانيا ما كاينش تطابق بين لبني ولبلانات المرخصة.
من ملاحظات هاد اللجنة باللي تبنات بلا رخصة ريسطو كافي اسمها “ڤيراندا” ودارو طابق ثاني تحت ارضي وخلق ممر على الواجهة الرئيسية ما عمرها كانت فالبلان الاصلي اللي عليه خذات الرخصة.
وسجلات اللجنة المختلطة باللي كاين “غياب تدابير السلامة” فهاد الورش. واكدات هاد اللجنة على حساب تقريرها الرسمي باللي دار “افتتاح واستغلال المطعم بلا “ترخيص الاستغلال” من المصالح المختصة بمقاطعة انفا كازا.
دابا علاش السلطات فكازا ما طبقاتش القانون فهاد الحالة. مخالفات تعميرية واخرى كتهم “الاستغلال” راه ماشي غير كيوقف الاشغال راه كيترتب عليه متابعات قضائية وسحب الرخص واغلاق ووو. عليها قلنا على لالة اسماء راها حاكمة عين الدياب فكازا نيگرا
رابط الفيديو
https://www.facebook.com/reel/1469582700828285/?mibextid=wwXIfr&share_url=https%3A%2F%2Fwww.facebook.com%2Fshare%2Fv%2F1GsSJV79Gs%2F%3Fmibextid%3DwwXIfr&rdid=b3tXsMYogxgSE0HK