كود سبور//
عبر الدولي المغربي عبد الصمد الزلزولي على الافتخار ديالو باللعب مع المنتخب الوطني المغربي فكأس العالم فقطر 2022، ويمثل بلادو فهاذ التظاهرة العالمية الكبيرة.
وفتصريح لموقع فرقتو أوساسونا الصبليونية قال عبد الصمد الزلزولي: “هاد حلم كان عندي ف الصغر، باش نمثل بلادي فالمونديال…وهو شرف كبير ليا وأنا حققتو دابا”.
الزلزولي كبر حتى بفرقتو وقال: “وشرف كبير ليا نمثل نادي أوساسونا فالمونديال، وغادي نعطي كاع اللي عندي فهاذ البطولة”.
نجم أوساسونا تكلم حتى على اللحظة اللي توصل فيها بخبار الركراكي عيد ليه، وقال: “كنت مع صاحبي ملي بداو كيعيط بلاليست، وملي سمعت الاسم ديالي ما تيقتش، ومن بعد منها مشيت عند عائلتي باش نبارطاجي معهم الفرحة وهادشي ما كيتنساش”.
Laisser un commentaire