گود سبور//
تسبّب هشام ايت منة رئيس الجمعية الرياضي للوداد الرياضي، في انشقاقات داخل النادي وانقسام المنخرطين داخل الوداد، وهذا الشي بان خلال الجمع العام البارح الاثنين والشوهة اللي وقعت بيناتهم من سبان ومضاربا.
وقبل لحظات وباش يستعطفو جمهور الوداد الرياضي، خرجو شي منخرطين محسوبين على هشام ايت منا ببلاغ كايطلبو فيه المسامحة من الجماهير، وكايدّعيو ان المنخرطين الآخرين اللي معارضين لهشام ايت منة، كانو مخبيين وسط منهم، وانهم باغيين يصفير حسابات شخصية معه ومع أعضاء المكتب ديالو.
وناضو طالبو هاد المنخرطين ديال ايت منة منو هو والمكتب ديالو بصياغة قانون داخلي يتضمن إجراءات كاتحد من ما وصفوه بالتسيب والانفلاتات داخل الجمهوع العامة واللقاءات التواصلية وبقية انشطة النادي، ومراجعة شاملة لمنظومة الانخراط ودايرن السبا بوضع حد لممارسات زمنها سالا.