كود كازا ///
اليوم لثلاث 16 شتنبر 2025 خرج حكم لمحكمة الاستئناف الادارية بالرباط كيهم قضية حميد المهداوي. هاد الحكم كان واضح. ايد الحكم الابتدائي برفض الطعن اللي كان قدمو باش ما جددوش ليه بطاقة الصحافة ديالو.
اللجنة المؤقتة لتسيير شؤون الصحافة والنشر كانت رفضات تعطيه البطاقة المهنية وقالت باللي ما عطاهاش ما يثبت باللي الدخل الرئيسي ديالو كيجي من مهنة الصحافة.
قالو ليه لفلوس اللي كيدخل راها من اليوتوب وماشي من مؤسسة صحافية خاضعة للقانون المغربي وجبدو ليه المادة 2 من القانون رقم 88.13 المتعلق بالصحافة والنشر.