سامي العلوي – كود كازا //
ضربات المحكمة الزجرية ديال كازا، اليوم الثلاثاء على الناشطة والمدونة سعيدة العلمي بـ 3 سنين ديال الحبس النافذ وغرامة مالية قدرها 20 ألف درهم، وجا قرار المحكمة بعد جلسة مطولة استمعت فيها المحكمة للمتهمة ودفاعها من بعد دخل الملف للمداولة .
وكان وكيل الملك بالمحكمة الزجرية ديال عين سبع بكازا قرر إيداع الناشطة والمدونة سعيدة العلمي السجن المحلي عكاشة، بعد توجيه تهم تتعلق بإهانة هيئة منظمة قانونا وإهانة القضاء ونشر ادعاءات كاذبة عبر منصات التواصل الاجتماعي، مع إحالة ملفها على هيئة الجنحي التلبسي للنظر فالقضية .
وجا قرار وكيل الملك بعدما حالت عناصر الفرقة الوطنية ديال البوليس المتهمة، لي كانت موضوعة تحت الحراسة النظرية، وبعد انتهاء فترة الحراسة النظرية ومجريات التحقيق أحيلت العلمي على النيابة العامة بموجب صك الاتهام.