گود سبور//
مازال عايش فريق المغرب التطواني التكرفيص، واخا مجهودات ناس مدينة تطوان باش يعتقوه من الوضع ديالو.
هذه المرة المعاناة ديال المغرب التطواني ما عندها علاقة بالجانب التقني او التسييري، فحسب مصادر مطلعة الكار ديال الفريق تشفر البارح الاثنين بالليل، ملي كان مسطاسيوني فالزنقة حدا تيران سانية الرمل بتطوان، والشفارة خونو منو شي صبابط ديال اللاعبين وماطيريال ديال السبور باش كايخدمو الفرقة.
وكايعاني المغرب التطواني اللي طاح الموسم الماضي من أزمة مالية خانقة، وكون ما تدخل الجامعة الملكية المغربية لكرة القدم العصبة الاحترافية مع سلطات المدينة ومسيرين سابقين ما كانش الفريق غادي يكونفوكي اللاعبين فالموسم الجديد وما كانش غايلقى باش يلعب بسبب المنع اللي كان عليه.