وكالات//
كاميرا ديال المراقبة سجلات اللحظة اللي دخلات فيها طوموبيل سوزوكي لصالون ديال الحلاقة فالبيرو، حيث هرسات الواجهة الزجاجية ودخلات للمحل اللي كان عامر بالناس.
الطوموبيل ضربات واحد السيد وطيحاتو، ومن بعد خبطات فكرسي ديال الحلاقة.
هاد الحادث خلى جوج ديال الناس تصابو، وزاد دار خسائر مادية كبار.
كاين اللي قال باللي الشيفور ضغط بالغلط على الكسيراتور بلاصت الفرانات وهو كيجرب يسطاسيوني الطوموبيل ديالو.