وكالات//
النيابة فمصر قرّرات تحيل الفنانة شيرين عبد الوهاب على المحكمة الاقتصادية فالقاهرة، بتهمة السبّ والقذف فحق مدير حساباتها على مواقع التواصل الاجتماعي.
المحكمة حدّدات جلسة يوم 9 أكتوبر الجاي باش تبدا تشوف فالقضية، اللي بدات من خلاف بين شيرين والمدير ديال حساباتها بسباب كلمات السر ديال الحسابات ديالها.
وكانت النيابة العامة فالشيخ زايد (فمحافظة الجيزة) استدعات شيرين، وواجهاتها بالاتهامات، ومن بعد قرّرات تحيلها للمحاكمة.
وفشهر ماي اللي فات، تقدّم المتضرر (مدير الحسابات) بشكاية فمركز شرطة الشيخ زايد، كيقول فيها أن شيرين سبّاتو واستعملات معاه كلام خايب وكيخدش الشرف، ودارو توثيق فني للكلام حسب ما جا فنتائج التحقيق.