معروفة بالروايات د الرعب.. الحكم بالحبس على كاتبة تركية ذبحات راجلها

وكالات//

حكمات محكمة فتركيا على الكاتبة ديال روايات الرعب، فواندا ديميرجي، بالسجن المؤبد، من بعدما ذبحت راجلها بسكين.

هاد الحكم صدر من محكمة فمنطقة بشيكتاش الراقية فإسطنبول، على ديميرجي اللي ارتكبات جريمة خطيرة فـ2023 فدار راجلها.

المحكمة ما قبلاتش تعطيها حتى شي تخفيف فالعقوبة، حيث أدانوها بجريمة “القتل العمد” ديال راجلها، اللي كانت منفصلة عليه، ولكن كانت مازال كتمشي لدارو حيث ولدهم ساكن معاه.

الطبيب اللي دار التقييم النفسي أكد بلّي الكاتبة ما عندها حتى شي مرض عقلي، وراها مسؤولة على أفعالها.

وخلال الجلسة الأخيرة، قالت ديميرجي للمحكمة بلّي كانت كتتعرض للعنف من طرف راجلها السابق، ولكن القاضي ما تقبلش هاد التبرير، وصدر الحكم ديال السجن المؤبد ضدها.

إقرأ الخبر من مصدره