أنس العمري-كود//
انتشر على مواقع التواصل الاجتماعي فيديو خلا بزاف ديال الناس يهضرو عليه، فيه سائح أجنبي كيهضر على سائق طاكسي بالدار البيضاء وكيقول باللي تعامل معاه بطريقة خايبة وماشي مهنية وحاول ينصب عليه.
https://x.com/alikettanii/status/1968030181333012594?s=61
ولاية أمن الدار البيضاء ما ضيعاتش الوقت، وفتحات تحقيق باش تعرف الحقيقة. وأكدات ولاية أمن كازا أن التحريات الأولية بينات أن السائح ما دار حتى شكوى رسمية، وواخا هكاك البوليس بمنطقة أمن عين السبع الحي المحمدي قدرو يحددوا الطاكسي ويقفو الشيفور ديالو.
دابا السائق خاضع للبحث القضائي تحت إشراف النيابة العامة، باش تتعرف على جميع ظروف هاد القضية.
للاشارة التوريست اللي دار الفيديو بودكاستور مسمي راسو Mr James Humble وعندو صفحة فانستگرام و فمواقع تواصل اخرى، وديما كيتبع المنتخب المغربي وكرة فبلادنا عامة، وكيدير لينا اشهار كبير للبلاد.. دوماج بحال هادشي يوقع ويهرس ليماج د المغرب..
صفحتو ف انستا:
https://www.instagram.com/mrjameshumble?igsh=aWlqZDZ6aHB2bW5y