بانت وسط الفيضانات.. لفعى كبيرة هازة حوتة ف فمها نوضات روينة ف الهند (فيديو)

وكالات//

دار واحد الفيديو ديال لفعى كَتْعُوم فوسط لما ديال الشتا القوية فمدينة كولكاتا فالهند، وهي شدّة سمكة ففمها، ضجة كبيرة فمواقع التواصل الاجتماعي، وولا من بين أكثر المشاهد اللي كيعكسو الحالة ديال المدينة اللي غرقاتها الفيضانات، أيام قبل ما يبدا مهرجان دورغا بوجا.

الفيديو اللي نشراتو واحد البنت فـ إنستغرام، تصور من داخل دار، وكيبان فيه الأفعى كتعوم وسط الما اللي غمر الحومة، وعندها سمكة ففمها. بزاف ديال الناس اللي شافو الفيديو قالو بلي هاد الأفعى من نوع “Checkered Keelback”، واللي كيعرفوه الناس تماك باسم “جول دهورا”، وهو نوع ماشي سام وكايعيش فالمناطق اللي فيها الماء.

https://www.instagram.com/thisgirldaydreams/?utm_source=ig_embed&ig_rid=fece1e0c-26d0-4bd2-b9cc-e4737e7d58fa

هاد المشهد اللي غريب ومضحك ف نفس الوقت خلى الناس يعلقو بزاف، حتى واحد فيهم ضحك وقال: “حتى الحناش فكولكاتا كياكلو السمك والروز!. ”

هاد التفاعل جا فوسط شتا قوية عرفاتها المدينة، واللي غرقات الشوارع والديور والمكاتب، وتسببات فشلل تام فحركة الطُرُق. الناس فالسوشيال ميديا بداو كيدوزو فيديوهات من تماك، بحال الطوموبيل ديال “رولز رويس غوست” اللي بقات مخلاّة فوسط الزنقة عامرا ما، وموظفين كيمشيو فالما باش يوصلو للخدمة ديالهم.

إقرأ الخبر من مصدره