گود سبور//
نفى كريم الگلايبي عضو مجلس لجنة تتبع مركب محمد الخامس بالدار البيضاء، كل ما كايروج على ان التيران غادي يتسد تاني على الرجاء والوداد الرياضيين وما غاديش يلقاو تاني فين يلعبو.
وكذّب كريم الگلايبي فتصريح لجورنال “گود” كل ما راج خلال الساعات الماضية على ان مركب محمد الخامس غادي يسد الأبواب ديالو على الرجا والوداد فشهر نوفمبر الجاي استعدادا لكاس افريقيا “المغرب2025” واللي غادي تكون ما بين 21 دجنبر 2025 و 18 يناير 2026، واكد ان كل ما يتداول حول اغلاق ستاد دورنور عاري عن الصحة تماما.
ويعتبر اغلاق مركب محمد الخامس بالدار البيضاء، كوشمار بالنسبة للرجا والوداد وبيضاوا، حيث الفريقين والجمهور ديالهم كان كايعاني بزاف خلال الموسمين الماضيين بسبب اغلاق التيران للإصلاح.