البطلة ديال “هاري بوتر” تصدمات بعدما دخلات لهوليود.. ايما واتسون هضرات لأول مرة على المشاكل لي لقاتها

وكالات//

الممثلة البريطانية إيما واتسون هضرات على المعاناة ديالها فالتأقلم مع هوليوود من بعد ما سالات سلسلة هاري بوتر، ووصفت التجربة بأنها كانت “درس مؤلم بزاف”.

إيما، اللي ما بقاتش كتمثل من بعد ما شاركات ففيلم “نساء صغيرات” فـ 2019، قالت فواحد البودكاست مع جاي شيتي(On Purpose)، بلّي دخلات لعالم السينما من بعد هاري بوتر وعندها توقعات خاطئة، كانت كتظن بلّي غادي تبني صداقات طويلة فكل عمل، بحال اللي وقع معاها فهاري بوتر.

وقالت: “كنت كنقلب على الصحاب فمكان التصوير، ولكن اكتشفت بلّي بزاف ديال الناس كيشوفو الخدمة غير كفرصة مهنية، ماشي بلاصة باش نبنيو علاقات إنسانية”، وزادت بلّي هاد الشي كان صدمة كبيرة ليها.

ورغم ما كانتش تجربة سهلة، إيما قالت بلّي فخورة بهاد المرحلة، حيث خلاتها تعرف شحال هي إنسانة حساسة.

فالمقابلة، هضرات حتى على الخلاف ديالها مع الكاتبة جيه كيه رولينغ على موضوع حقوق المتحولين جنسياً، ووصفت التصريحات ديال رولينغ بأنها “مؤلمة بزاف”، ولكن شددات بلّي ما تقدرش تنكر الدور الكبير اللي لعباتو رولينغ فحياتها.

وختمات بواحد الجملة جميلة، قالت: “كنتمنى نقدر نحب الناس اللي ما كيتافقوش معايا، ويبقو حتى هوما كيبغوني، رغم اختلاف الآراء بيناتنا”.

إقرأ الخبر من مصدره