وكالات//
فضيحة البوسة فحفلة “كولدبلاي” بين كريستين كابوت وآندي بايرون ولات كتشعل كتر، خصوصاً منين خرجات تقارير إعلامية فأمريكا كتقول بلّي راجل كريستين، أندرو كابوت، حتى هو كان فالحفلة مع مرا أخرى!
@instaagraace
trouble in paradise?? #coldplay #boston #coldplayconcert #kisscam #fyp
♬ original sound – grace
الراجل، اللي خدام كمدير تنفيذي فمعمل ديال الشراب، كان حاضر فحفلة “كولدبلاي” اللي كانت فـ ملعب “جيليت” فمدينة فوكسبورو، ولاية ماساتشوستس، نهار 16 يوليوز، وشفوه مع مرا فموعد رومانسي، وهادشي خلا الناس يضنو بلّي كانو مفارقين من قبل ما توقع داكشي اللي وقع.
الفيديو اللي بان فيه كريستين فعنق مديرها آندي بايرون على الشاشة الكبيرة فالحفلة دار البوز، خصوصاً ملي المغني كريس مارتن علق وهو كيتفلى من فوق الستاج وقال: “يا إما هادو فشي علاقة، يا إما حشمانين بزاف”، ومن بعد بداو كريستين وآندي كيغطيو وجوههم.
الضغط ديال الإعلام والناس خلاهم بجوج يستاقيلو من الخدمة ديالهم فشركة “أسترونومر”، والشركة خرّجات بلاغ قالت فيه بلّي السلوك ديال المسؤولين خاصو يعكس القوانين والمعايير اللي كتحترمها الشركة فالمحاسبة والسلوك المهني.
ومصادر قريبة من كريستين قالت بلّي ما كاناش بينها وبين آندي شي علاقة حب، غير صداقة وخدمة، ولكن هي حتى هي اعترفات بلّي تصرفها ما كانش مناسب وعانقات المدير ديالها قدام الناس كان خطأ، ولكن قالت بلّي العقوبة كانت زايدة ومبالغ فيها.
فنفس السياق، واحد من المقربين ديال كريستين قال بلّي هي وراجلها كانو مفارقين بطريقة سلمية قبل الحفلة بأسابيع، وزاد قال بلّي راجلها ما كانش فاليابان كما تقال، ولكن كان حاضر فالحفلة مع مرا اللي دابا ولات صاحبته الرسمية.
أندرو كابوت دار رسمياً طلب الطلاق فـ 13 غشت، يعني تقريباً شهر بعد الحفلة، ومن خلال ناطقة رسمية، طلب من الناس يحترمو حياتو الخاصة. فالمقابل، مرات آندي بايرون، ميغان، حيدات اسم العائلة ديالها من حسابها فـ فيسبوك، ومن بعد سدت الحساب نهائياً.
ومن بعد، الموضوع ولى مادة ديال الضحك، بحيث المغني كريس مارتن ولى كيمزّح فحفلاتو وكيقول للجمهور: “ردو البال من الكاميرات، ما كاينش اللي عارف شكون غادي يبان هاد المرة”، وهادشي كيدير الضحك والتصفيق وسط الناس.