گود سبور//
ناضت الروينة فماتش أولمبيك الدشيرة والكوكب المراكشي برسم الدورة 3 من البطولة الاحترافية لكرة القدم، فتيران أكادير الجديد السبت 27 شتنبر فالعشية.
وضاربو محسوبين على جمهور أولمبيك الدشيرة مع شي وحدين من جمهور الكوكب المراكشي فماتش الفريقين فتيران أكادير الجديد، وسط واحد الجو من الفوضى والتهراس ديال الكراسا من طرف المشاغيبين اللي تدخل الأمن باش يفرقهم.
هذا الشي اللي وقع بين مشجعين أولمبيك الدشيرة والكوكب المراكشي، كايزيد يبين أن هاد المشكل ديال الشغب فالتيرانات خاصو معالجة ونقاش كبر من داكشي اللي كان من قبل وإشراك جميع الفاعلين والفئات فيه باش تكون حلول ناجعة لهاد الظاهرة، حيث ما يمكنش ملعب بحال تيران أكادير اللي يالاه تصلح يتهرس، خصوصا وأن المغرب عليه عيون العالم حيث مقبل على تنظيم تظاهرات رياضية كبيرة بحال كأس إفريقيا 2025 وكأس العالم 2030.