البطولة: الرجا والوداد فاقو.. الخضرا ربحت الجديدة فأول ماتش مع فادلو والحمرا فازت على الزمامرة وبنهاشم رجعت فيه الروح

گود سبور//

فاقو الرجاء والوداد الرياضيين، وحققو الرباح فالدورة 3 من البطولة الاحترافية، بعدما كانو تعكلو بالتعادل فالدورة 2.

الرجاء الرياضي ربحو المضيف ديالهم الدفاع الحسني الجديدي اليوم السبت فتيران الزمامرة بنتيجة 2 لزيزو، وهذا اول ماتش للمدرب الجديد للفريق الاخضر، الجنوب إفريقي فادلو ديفيدز، اللي خدا بلاصة التونسي لسعد الشابي اللي مشى بحالو بسبب مستوى الخضرا فالدورات بجوج اللي فاتو، وبان الفريق مع فادلو بأداء افضل فهاد المباراة، اللي خداو منها الرجاويين 3 نقاط مهمة.

الوداد الرياضي، حتى هو حقق رباح مهم فنفس اليوم، على الضيف ديالو نهضة الزمامرة فتيران مركب محمد الخامس بالدار البيضاء، بنتيجة 3-1، فماتش عرف دعم كبير للفريق الأحمر من طرف الجمهور ديالو، وعرف حضور الناخب الوطني وليد الركراكي، وقدرو الوداد ياخدو 3 نقاط مهمة من هذه المباراة، ومدرب الفريق الأحمر امين بنهاشم رجعت فيه الروح حيث مهدد بالإقالة بسبب مستوى الفريق فالدورات اللي فاتو.

وبهذه النتائج، فالرجا والوداد طلعو مؤقتا لصدارة البطولة الوطنية الاحترافية برصيد 7 نقاط لكل فريق، في انتظار مؤجلات نهضة بركان وليفار والأندية اللي لاعبين على الصدارة.

إقرأ الخبر من مصدره