عثمان الشرقي – كود//
فيلم Z (1969) من إخراج كوستا-ڭافراس، إنتاج فرنسي-دزايري ، دخل لتاريخ السينما كواحد من أقوى الأعمال اللي عالجات موضوع الاستبداد والقمع السياسي. القصة ديالو مأنسبريا من واقعة اغتيال المعارض اليساري غريغوريس لامبراكيس فاليونان، واللي النظام العسكري حاول يغطّي عليها.
الأحداث كتبدأ باغتيال نائب برلماني معروف بمواقفو المعارضة، والسلطات الرسمية كتعلن للرأي العام أن الوفاة كانت مجرد حادث عرضي. ولكن مع تقدم التحقيق، كيبان بأن القضية أكبر من هاد التبرير البسيط، حيت كتورط فيها أجهزة أمنية، عسكرية وحتى مسؤولين سياسيين كبار القوة ديال الفيلم كاينة فالريتم ديالو، والأسلوب اللي جمع مابين الدراما ولاسيسبانس د البوليسي كتخلي لي كيتفرج ينسا راسو وهو كيتابع كيفاش المؤامرة كتفرش دقة دقة.
العنوان “Z” جاي من الحرف اليوناني اللي كيعني “راه حي”، واللي تحول لشعار سياسي كيعبّر على أن صوت الحق ما كيتسكتش، والأفكار النقية كتبقى عايشة وخا يموتو ماليها.
الفيلم ربح شهرة عالمية وخدا جوائز كبيرة، وولا نموذج للسينما اللي كتواجه الظلم وكتلصق فالذاكرة الجماعية. وخا دازت كتر من نص قرن باش خرج فيلم Z