وكالات//
دار اليوتيوبر الشهير مستر بيست، اللي سميتو الحقيقية هي جيمي دونالدسون، البوز وخلق جدل كبير بعدما نزل فيديو جديد نهار السبت 27 شتنبر بعنوان: “واش تقدر تغامر بحياتك باش تربح 500 ألف دولار؟”.
الفيديو كان فيه تحدي خطير، دخل فيه واحد المتسابق، اللي هو ممثل بهلواني محترف، لواحد البناية شاعلة فيها العافية، باش يحاول يربح الجائزة المالية. المتسابق كان كيحاول يخرج أكياس ديال الفلوس من وسط النار، ولكن الفكرة ما عجباتش بزاف ديال الناس فالأنترنت، واعتابروها خطيرة بزاف وماشي مسؤولة.
الناس بداو كيدوّنو التعاليق فـ”إكس”، وكتب واحد: “يا ربي… مستر بيست وصل الخطورة لواحد المستوى جديد كاع”.
وكاين اللي عبّر على الخوف ديالو من أن هاد النوع من التحديات يقدر يجيب كوارث بصح. وحتى الفلوس اللي كانت فالفيديو، دارو عليها الشك، وتمنّاو تكون غير مزورة.