فلتو من الموت بمعجزة.. سياح عاشو فيلم رعب حقيقي بسبب هجوم فيل غاضب (فيديو)

وكالات//

نجاو أربعة سياح من الموت بأعجوبة بعد ما هاجمهم فيل غاضب خلال رحلة سفاري فالقوارب فـ دلتا أوكافانغو فـ بوتسوانا نهار السبت اللي فات.

حسب صحيفة “ديلي ميل” البريطانية، السياح كانو فـ قوارب تقليدية “موكورو” كيدوزو فمياه ضحلة عامرة بالتماسيح، وفاش قربو المرشدين بزاف من أنثى فيل ومعها وليداتها، هاجمهم ذكر الفيل اللي كان كيوجد يحمي العائلة. الفيل اندفع نحو القوارب وقلبهم باستعمال أنيابه وخرطومه.

OMG! pic.twitter.com/kFfXnlPk9q

— rian (@briansimasiku) September 28, 2025

اللقطات المصوّرة ورّات اللحظات المفزعة اللي تقلبو فيها القوارب والسياح طاحو ف الما، بينما المرشدين باين أنهم هربو للضفة وخلاو السياح بوحدهم. وحدة من السياح تعرّضات لهجوم ثاني من نفس الفيل، ضربها بخرطومو من لور وطيحها تحت الما. وتعتقد أنها نجات غير حيت الفيل ضيعها فالمياه العكرة وتوقف عن مهاجمتها بعد حوالي 10 ثواني.

إقرأ الخبر من مصدره