المغنية البريطانية المشهورة لولا يونغ طاحت وسخفات وهي كتغني فوق المسرح.. لغات كاع الأنشطة ديالها لي كانت مبرمجة

وكالات//

المغنية البريطانية لولا يونغ، المعروفة بأغنيتها الناجحة “Messy”، طاحت فجأة فوق الخشبة ف حفلة فـ نيويورك، وهادشي خلاها تلغي كاع الأنشطة الفنية اللي كانت مبرمجة.

لولا، اللي عندها 24 عام وتزادت فـ لندن، طاحت نهار السبت لي فات وسط العرض ديالها فـ مهرجان “All Things Go” فـ نيويورك، قدّام الجمهور، وداكشي خلا الناس تصدمو.

Can you say yes if you can see this? We are in headline news for being censored on X.

The very young and healthy Lola Young, who is fully vaccinated, collapses on stage while performing!

Do you think it’s a coincidence? Thanks. https://t.co/lKlDX6Wdrq

— Erin Elizabeth Health Nut News (@unhealthytruth) September 29, 2025

ونهار الثلاثاء، خرجات المغنية فحسابها على إنستغرام وعلنات أنها غادي توقف على الخدمة شوية وقالت: غادي ناخد واحد الاستراحة. كيعزّ علي نلغـي كل المشاريع اللي كانت مبرمجة فالمستقبل القريب”.

وما ذكرتش شنو هي الحفلات اللي تلغات بالضبط، حسب وكالة فرانس برس. وزادت قالت: كنتمنا من قلبي تعطوني فرصة ثانية ملي نكون رجعت وبقيت أقوى، وشكراً بزاف على الحب والدعم ديالكم.”

لولا يونغ كانت خرجات ألبومها الثالث غير قبل 10 أيام من الحفل، وفاش طاحت، تدخلات الفرقة الطبية بسرعة وخرّجاتها من فوق الخشبة، فواحد اللحظة اللي كانت صادمة للجمهور، وبان هادشي ففيديوهات بزاف.

من بعد، كتبات فـ إنستغرام: “أنا بخير دابا” وصرّحات بإلغاء الحفلة اللي كانت غادي تديرها فـ واشنطن فالغد.

إقرأ الخبر من مصدره