گود سبور//
عبر الناخب الوطني وليد الركراكي على الدعم ديالو لمطالب إصلاح قطاع الصحة والتعليم فـ المغرب، ولكن فـ نفس الوقت اكد ان هذا الشي خاصو يكون ضمن الاحترام وبعيد على العنف.
وخلال الندوة ديالو اليوم الخميس للإعلان على لائحة المنتخب الوطني المغربي لمواجهة كل من البحرين والكونگو، علق وليد الرگراگي على احتجاجات “جيلZ” واحداث العنف اللي عرفتها مجموعة من مناطق المغرب، وقال: “ما كاينش شي مغربي فـ العالم ريديكاسيون وتكون احسن صِحة، أي مغربي فهاد البلاد غايبغي هذا الشي، اللي كانتمناو هي كلشي يدار بـ الاحترام وبلا عنف، وهذا الشي اللي كانبغيو لبلادنا”.
واكد وليد الركراكي: “بغينا ديما نزيدو للقدام، ولكن ديما بالاحترام وبلا عنف، وإنشاء الله يكون غير الخير وبالنسبة لتفاعل اللاعبين مع هذا الشي اللي واقع داكشي كايخصهم وحياتهم الشخصية هاديك، وما كاينش شي مغربي وحنا منهم اللي ما يبغيتس احسن صونطي ومايور ريديكاسيو، واي واحد يستاهل هذا الشي وإنشاء الله يكون غير الخير”.