كود كازا ///
قال اكثر من مستخدم لـ”كود” باللي إدارتو خبراتهم باش يمشيو فحالهم لديورهم مع الربعة وأضاف أحدهم خدام فشركة ف”سي اف سي” اللي الادارة قالت للمستخدمين يمشيو بكري.
مستخدم آخر فشركة بشارع عبد المؤمن فكازا اكد نفس لخبار ل”كود” وقال بللي على الاقل بنكة كبيرة وشركة دولية قالتها لناسها
فالبلايص اللي فيها دعوات للاحتجاج اليوم اخبر مالين لحوانت ولقهاوي باش يسدو
وحصلات “كود” على إشعار وجهاتو مدرسة خاصة لأولياء وآباء التلاميذ والتلميذات باش يجيو يديو ولادهم مع الخمسة وباللي هاد الشي بسباب احتجاجات جيل زيد.
وتوصلات “كود” لمعطيات كتقول بلي أن حتا الموظفين ديال البنكات توصلو بإيميلات، كتطلب منهم يخرجو بكري اليوم.
وحتا محلات ف المعار يف جاو عندهم المقدمين وطلبو منهم يمشيو فحالهم بكري.